Estiven con el falando en varias ocasións nestas últimas semanas arredor dun libro meu xa moi avanzado sobre os tempos da Reforma Política, compartindo moitos recordos e vivencias en común, na cafetaría, ao carón da súa casa, que nalgún tempo chamouse Hortensia, en Camelias Street, como adoitaba escribir o seu amigo e camarada o poeta Manuel Vidal Villaverde.
Foi entre finais do ano 1973 e 1974 que topei con Ferrín no instituto Santa Irene en Coia, se ben ele non foi o meu profesor de lingua e literatura. Neste momento, por riba de todo, o meu recordo está ligado aos potentes acontecimentos que deron no peche do noso instituto en febreiro de 1975.
Daí en diante.
Na cita de hai uns días con ele péchase o círculo da miña relación con Ferrín, a quen despido con enorme simpatía, admiración e respecto.
No ano do cincuentenario do seu poemario " Con Pólvora e Magnolias".
Nada será igual.